PRESENTACIÓN DE 'SE FALASES DE MIN' EN BUEU

O pasado xoves, día 15 de xuño, tivo lugar a presentación en Bueu do 

libro Se falases de min, publicado pola Editorial Elvira.

     É este un libro especial para min pois conta coa participación de amigos moi especiais como Paco Ibáñez, Jordi Sierra i Fabra, Xulio García Rivas e Alberto e Andrés Cunha.

     A cargo destes dous músicos extraordinarios correu a parte musical do acto, que foi presentado polo editor Xabier Romero.

     

     Versos e aloumiños ofrece as miñas palabras sobre a xestación do volume, as cancións dos irmáns Cunha, algún recitado e breves palabras do editor. Por un erro técnico perdeuse unha parte da intervención deste e a fermosísima canción que os músicos interpretaron: Cantares, de Joan Manuel Serrat/ Antonio Machado.

      

Os irmáns Cunha durante o acto

     Quede, pois, aquí o testemuño dun acto precioso que tivo ao 

incansable Fernando Miranda como promotor do mesmo. 

 

AUDIO DA PRESENTACION DE "SE FALASES DE MIN" NA LIBRERÍA VERSUS

A finais do mes de febreiro, tivo lugar unha nova presentación do libro Se falases de min na prestixiosa librería Versus.

     Introduciu o acto o director da editorial Elvira, Xabier Romero, e deseguido o artista Alberto Cunha dixo unhas palabras referentes ao espírito desta xuntanza literario-musical.

Intervención de Xabier Romero

     Antes de que eu contase a miña impresión do libro, Alberto e Andrés Cunha interpretaron a canción Se falases de min, que no libro aparece na voz do gran Paco Ibáñez. Foi, sen dúbida, unha fermosa versión, como neles é costume.

Alberto Cunha fala do acto e do libro

      Tamén eles dous, tras a miña intervención, deixaron no aire (e nos nosos sentimentos) dúas cancións baseadas en poemas do libro. Foron intres de emoción nada disimulada.

 

Os irmáns Cunha deleitando aos asistentes

     Resultou, sen ningunha dúbida, un acto entrañable nun recuncho precioso da librería que nos acolleu cun enorme agarimo.

O acto foi gravado en audio e aquí está para os que vos animedes a escoitalo.

AGT falando do libro

       Versos e aloumiños segue a ser un espazo para xente sensible ás artes. Se falases de min, que reúne arredor da poesía, as pinturas de Xulio García Rivas, as palabras de Jordi Sierra i Fabra, a composición de Paco Ibáñez (case nada!), seis temas de Alberto Cunha e a miña voz lendo poemas do libro; Versos e aloumiños, digo, séntese un blog-revista moi honrado de recoller estas pezas, algunha delas, histórica.

E velaquí o audio deste acto tan marabilloso.