 |
| Benito Pérez Fernández |
Deixando atrás as formas
xeométricas que durante algún tempo foron as protagonistas da pintura de Benito
Pérez Fernández, aparece nesta nova mostra, que se inaugurou na Casa da Cultura
de Cangas, un xiro importante e necesario no quefacer pictórico do artista.
Baixo o título de “Crepúsculo”, o pintor amósanos unhas pinturas moi vivas, en formato pequeno, cunha magnífica combinación de cores que agrada contemplalas.
Son acuarelas moi ben
traballadas que nos levan ao pracer de imaxinar tardes de moi diversos tons
recollidas pola faceta máis poética de Benito Pérez Fernández.
Este poema, escrito por el,
recolle moi ben o espírito da pintura que nace da lírica, porque no máis profundo
do pintor bule un estrato poético que non quere nin sabe disimular.
Só a
luz achega
a esencia
do nada
convertida
en obxecto tanxible.
Si,
só a luz achega
o
son dos espazos que se perden
cara
ao crepúsculo
para
adentrarnos na noite.
E si, abofé que as moitas
persoas que nos achegamos a esta exposición fomos adentrándonos na noite que
nos di o poema, pero nun ambiente crepuscular tinguido de cores que acariñaban
o noso camiño.
