DARDO POÉTICO ( III ) YUYA, unha creadora chea de autenticidade.

 

Yuya

Chámase María Jesús, pero para toda a súa xente foi sempre Yuya.
Yuya é unha persoa moi especial, no mellor sentido da palabra.
É unha muller sensible, agarimosa, detallista e ten unha forza creativa interior que foi agromando ao longo dos anos. 
Yuya é unha artista.Unha verdadeira artista.
Yuya é incriblemente creativa. Dende que a coñezo foi creando toda clase de arte sen presunción de ningún tipo. Sempre mirando cara adiante, loitando coa vida sen darlle tregua ningunha e fixándose en cada pequeno detalle para facerse forte e solidificar a arte que sentía no seu interior. Unha persoa admirable.Unha creadora con todo o que esta palabra aporta aos que nos emocionamos diante das obras fermosas e sen concesións.Yuya ten un concepto da pintura, por exemplo, que me encanta. Está a buscar camiños de seu. É moi esixente con ela mesma e procura a mellor versión do que fai.

Yuya, moi amiga da miña muller, conseguiu que eu tamén a quixese por auténtica.

"Cadro do reencontro". Agasallo de Yuya.

Houbo un tempo no que as circunstancias persoais fixeron que as vidas transcorreran por camiños diferentes.
Pero a amizade que ela e mais Susi tiñan non se perdeu endexamais. Era sólida. 
Esas circunstancias que afastan as persoas, tamén aparecen para achegalas e retomar o contacto (que non a amizade, pois esta nunca deixou de existir).
E agora volve con forza, porque Yuya e Maca, a súa filla, son persoas agarimosas e cheas de autenticidade.
 

Libby

A primeira visita (e única, de momento), que eu fixen ao seu taller, deixoume abraiado. Todo era pura creación a moi distintos niveis. Susi vai con máis asiduidade e sempre vén feliz de alí.
E sentimos dardos de afecto que nos sacoden.
Non só por iso, senón por cada unha das facetas desta muller brillante, aparece Yuya nesta sección de Versos e aloumiños.

 

Debuxo para Libby

É o terceiro dardo poético.
Nesta ocasión, a poesía está no cadro do "reencontro", nos debuxos tan cheos de poesía que fixo para Libby e a tenrura que conteñen.
Yuya é unha artista. Unha fiel continuadora do carácter do seu pai: un creador clandestino.E emprego este adxectivo porque non deu a coñecer o que facía. Como a súa nai, dous seres entrañables. Maca, tamén.

Debuxo para Libby

Todos estamos moi contentos de recibir dardos poéticos con pincel. 
Dardos poéticos que nos chegan moi fondo.
Quen dixo que non se podía facer poesía coas cores e coa intuición e o xenio dos pintores?
Yuya é un claro exemplo.
Moitas grazas, amiga.