XOÁN BABARRO GONZÁLEZ (Calvelo de Maceda,
1947)
 |
| Xoán Babarro González |
REGUEIRO
Regueiriño que baixas
cantaroleiro,
leva ao mar unha rosa
de bieiteiro,
que ha de ter señardades
algún barqueiro
do perfume dos montes
de Carrugueiro.
HOME DO SONO
O Home do Sono vén polo camín,
caladín, caladín.
O Home do Sono vén polo lousado,
calado, calado.
O Home do Sono está vindo…,
durmindo, durmindo…,
O Home do Sono está chegando…,
soñando, soñando…
RIBEIRA
O cerzo, un manto.
O vento, un canto.
A noite, un mundo.
O mar…, profundo.
(Do libro A
Princesa de Tataramundi, editado por Edicións Embora. 2010. Premio
Arume de Poesía infantil)
