martes, 27 de octubre de 2015

DARDO POÉTICO (XXVII): POEMAS QUE NACEN DAS FONTES. Antonio García Teijeiro



Dous poemas.
Dúas maneiras diferentes de concibir a poesía.
Hai outras.
Hoxe quero amosar estas.
Coas magníficas fotografías de Carmen Corbal, decidín escribir estes versos.
Intenso un deles. Talvez duro. Pura necesidade.
Musical o outro. para que a poesía se faga ritmo e música. Optimista.
Que vos gusten.


                                                                                                           ANTONIO  GARCÍA  TEIJEIRO








Cando chegou á fonte,  
                  sentiu a friaxe
Fotografía de Carmen Corbal.
                               dun coitelo
                              nas costas.


Aínda non pechara
              a ferida gardada
                           na pel
   e  decatouse
             de que a auga
                      que escoitaba caer pola billa
                                      da fontiña 
                                                   ía  desembocar
                                            no mar  do fracaso.







Cantan  as nenas na fonte
unha canción de cristal.
Cantan felices, lixeiras,
Fotografía de Carmen Corbal
cantan collidas da man.


Cantan cantigas das flores,
dos cisnes e dos pardais.
E cantan ás bolboretas
e aos sons salgados do mar.


Cantan ledas, xubilosas,
cantigas de amor-amar,
mentres a fonte lles chisca
un ollo, pois non ten máis.