viernes, 9 de mayo de 2014

ESCAPARATE POÉTICO (XXXVI). Rosalía Fernández Rial








  ROSALÍA FERNÁNDEZ RIAL  ( Carballo – Muxía, 1988)


OBRAS

Percorro,
con tacto oleiro,
Rosalía Fernández Rial
cada curva
da túa pel.
Vou moldeando
as formas
que adquires
ao sentir
as miñas xemas.
Sabes
que podo xirar
o torno dos labios
ata amasar
outro home
no teu ser.
E, aínda así,
abandonas
o control;
para que che esculpa
os ouveos
do gusto
sobre a epiderme
construída.




TÚNEL

A música
dos teus dentes
na miña pel
anuncia un estrondo de saxos
con swing.
Entre as grutas
do seu son
rastreas
orgasmos melódicos
con pulso kamikaze.
Sopra!
Esgota o alento
nas tebras
do túnel
que nos esconde.
Ninguén escoitará
as chaves metálicas
da túa voz
en min. Aquí;
onde as nosas sombras,
insomnes,
escintilan o baile
dos que soñamos espertos.
Baixo terra.





 (Do libro  Ningún amante sabe conducir. 2014, editado por Edicións Positivas.)