MARILAR ALEIXANDRE
(Madrid, 1947)
 |
| Marilar Aleixandre |
alalá do abruñeiro
Son teimudo resistente
entre sebes ventureiro
nin vento nin temporais
someten este abruñeiro
hai galego, hai galego
hai galego por mil anos
non hai espiñas sen flores
sen falantes non hai lingua
contra o desleixo florecen
palabras de Rosalía
hai galego, hai galego
hai galego por mil anos
regueifa dos muíños
Os muíños do río
isca, isca!,tangaraños
estragades a paisaxe
poñendo medo aos paxaros
coa vosa estraña aliaxe
os muíños eólicos
calade a boca, antigallas
ninguén sabe temperar
a teixedeira coa capa
xa non ides laborar
os muíños do río
do río somos memoria
do tremiñado ao reducio
o noso son é un canto
o voso un balbordo sucio
os muíños eólicos
somos high-tech renovables
máis galegos que a muiñeira
 |
| Ilustración de Óscar Villán |
sodes pezas de museo
envolveitos nas silveiras
foliada
por que habedes praguear?
irmáns na auga e no vento
imos comer a regueifa
co voso acompañamento
haikai dobre en xaneiro
desempenada
a garza en Bradomil
un de xaneiro
en gris e branco
interroga na ponte
días por vir
(Do libro Ovella
descarreirada. Col. Milmandas. Edicións
Xerais de Galicia. 2014).