TÍTULO: A árbore da escola.
AUTORES: Antonio Sandoval (texto) e Emilio Urberuaga
(ilustracións)
EDITORIAL: Kalandraka.
Colección:DEMADEMORA
Kalandraka achégalles aos primeiros lectores este fermoso
álbum ilustrado.
Fermoso por partida dobre, tanto pola súa concepción plástica
coma polo seu contido.
A árbore da escola é a historia que o escritor, comunicador ambiental e
ornitólogo Antonio Sandoval, nos
conta sobre unha árbore solitaria que existía no patio dunha escola. Ninguén
reparaba nela, nin os nenos rebuldeiros nin a mestra precavida. Pero un día
Pedro si o fixo e a partir daquela, a árbore comezou a vivir.
O seu aspecto mudou radicalmente e en proporción directa á atención e o agarimo recibidos. Cando Pedro comparte cos demais a súa descuberta, todos participan nos seus coidados como mellor saben: plantando unha flor ao seu carón para que non se sinta soa, facerlle e lerlle un poema, acariñala… A árbore pasou de ser testemuña dos xogos infantís a se converter no centro deles. Isto provocou que se transformase nunha frondosa especie única sobre a que construíron unha cabana onde a mestra decidiu trasladar a biblioteca. Así, deste xeito, ao mesmo tempo que medran os soños dos nenos a través dos libros, tamén agroman as sementes da árbore para o futuro.
 |
| Antonio Sandoval |
O seu aspecto mudou radicalmente e en proporción directa á atención e o agarimo recibidos. Cando Pedro comparte cos demais a súa descuberta, todos participan nos seus coidados como mellor saben: plantando unha flor ao seu carón para que non se sinta soa, facerlle e lerlle un poema, acariñala… A árbore pasou de ser testemuña dos xogos infantís a se converter no centro deles. Isto provocou que se transformase nunha frondosa especie única sobre a que construíron unha cabana onde a mestra decidiu trasladar a biblioteca. Así, deste xeito, ao mesmo tempo que medran os soños dos nenos a través dos libros, tamén agroman as sementes da árbore para o futuro.
 |
| Emilio Urberuaga |
Trátase dun conto cunha linguaxe sinxela e directa que se apoia nunha estrutura circular e que lles amosa aos nenos a importancia de coidar o medio natural, de convivir con el e descubrir a grandeza das pequenas cousas.
As
magníficas ilustracións coloristas,
vivas e expresivas de Emilio Urberuaga
reforzan o contido do texto e axudan a unha lectura visual paralela pero tamén
recreativa do mesmo.
ALBA PIÑEIRO
